ШҚО Полиция департаменті Есірткі қылмысына қарсы іс-қимыл басқармасының қызметкерлері Өскеменнің белсенді жастарымен көшелерге шығып, заңсыз жазулар мен есірткі жарнамасы бар граффитилерді бояды, деп хабарлайды Buqara.kz сайтының тілшісі.

Жыл басынан бері полицейлер мен волонтерлер 450-ден астам граффити мен QR-кодты жойып, бояды. 

Сонымен қатар интернетте есірткі жарнамасы мен «курьер-жеткізуші» ретінде жұмыс ұсынатын мазмұндағы 9200-ге жуық сайт пен сілтеме бұғаттауға жолданды.

Естеріңізге сала кетейік, есірткі жарнамасы жайлы деректерді 102 нөміріне немесе «102» мобильді қосымшасы арқылы фото қосып, хабарлауға болады.