«Таза Өскемен» КМК мамандары күшейтілген режимде жұмыс істеуде, деп хабарлайды  Buqara.kz сайтының тілшісі.

Кәсіпорынның мәліметінше, қазір жаңбыр суларын кәріз жүйесіне бұру үдерісіне тұрақты бақылау жүргізілуде. Жұмысшылар жауын қабылдағыш торларды жапырақ, қоқыс пен лайдан тазартып жатыр. Бұл су ағымының кедергісіз өтуіне мүмкіндік береді.
- Су жиналып қалған учаскелерде арнайы техника жұмылдырылып, артық суды сорып алу жұмыстары жүргізіліп жатыр. Бұл жүктемені азайтып, көлік қозғалысын қамтамасыз етуге бағытталған, – делінген ресми ақпаратта.