Қазақстанда 100 жастағы және одан да үлкен жастағы қарттардың саны нақты 448 болып тұр, деп хабарлайды Buqara.kz сайтының тілшісі inbusiness.kz сайтына сілтеме жасап.

Жүз жасқа толғандардың ең көп саны Алматы қаласын мекен еткен. Ол жерде 100 және одан жоғары жастағы 58 адам бар. Ұзақ жасайтындардың саны бойынша екінші орын Түркістан облысына тиесілі. Аймақта аталған санаттағы 53 адам өмір сүруде. Үшінші орынға Алматы облысы жайғасқан, онда 100 және одан жоғары жастағы 37 адам тұрады. 

Ең қарт қазақстандықтардың үштігі: Жамбыл облысының тұрғыны – 110 жас, Павлодар облысы – 113 жас және Ұлытау облысы – 115 жас. 

Жыл сайын жер-жаһанда, Қазақстанда да 1 қазан – Халықаралық қарттар күні ретінде аталып өтіледі. Бұл мерекені 1990 жылы 14 желтоқсанда Біріккен Ұлттар Ұйымының Бас Ассамблеясы 45 сессиясында жариялаған еді. 

Мұның басты мақсаты – егде жастағы адамдардың мемлекет пен қоғам алдындағы еңбегін құрметтеу және тану, олардың мәселелері мен қажеттіліктеріне, өмір сүру сапасын арттыруға назар аудару, жалпыға бірдей қамқорлық көрсету.