"Қазавтожол" облыстық филиалының қызметкерлері республикалық маңызы бар автожолдарды қысқы күтіп-ұстау жұмыстарына кірісті, деп хабарлайды Buqara.kz сайтының тілшісі.

Оның ішінде қар тазалау, қажетті белгілерді орналастыру, көктайғаққа қарсы материал дайындау бар. 
1 қазанда Ақмола, Алматы, Шығыс Қазақстан, Жамбыл және Солтүстік Қазақстан, Абай және Жетісу облыстарында жаңбыр мен қар күтіледі.
- Осыған байланысты жүргізушілерден жылдамдық режимі мен қауіпсіздік ережелерін сақтауды, ауа-райының нашарлауын ескеруді сұраймыз, - делінген компания мәліметінде.
Айта кетейік, 1403 нөмірі бойынша кез келген уақытта жолдағы жағдай туралы ақпарат алуға болады.