Өңірде бірден екі ірі жоба жүзеге асырылмақ, деп хабарлайды Buqara.kz сайтының тілшісі. 

Өскеменде өткен «Altay Invest 2025» халықаралық инвестициялық форумында ШҚО Жолаушылар көлігі және автомобиль жолдары басқармасы мен Қытай Халық Республикасының компаниялары арасында ынтымақтастық туралы меморандумға қол қойылды. 
Құжат негізінде екі жоба іске асырылады:
- Ұрынқай – Төсқайың – Шанағатты – «Маралды» шекара заставасы – ҚХР шекарасы автожолын салу;
- Өскеменде Серікбаев көшесінің бойымен Ертіс өзені арқылы өтетін көпір өткеліне шығатын жаңа жол салу.
Бұл келісімдер аймақтың көлік инфрақұрылымын дамытуға және транзиттік әлеуетін арттыруға бағытталған.