ҚР Ішкі істер министрінің орынбасары Игорь Лепеха қос азаматтығы бар адамдарды анықтауға қатысты түсінік берді, деп хабарлайды Buqara.kz сайтының тілшісі KAZINFORM сайтына сілтеме жасап.

— Жалпы, қос азаматтық бойынша 693 дерек анықталды. Бұл жағдайда анықталған осы адамдар Қазақстанның азаматтығынан айырылады, — деді Игорь Лепеха Сенатта тілшілер сұрағына жауап бере отырып.
Атап айтқанда, еліміздің Конституциясында қос азаматтыққа тыйым салыған. Жақында ҚР Ішкі істер министрлігі қос азаматтық үшін жазаны қатаңдатуға қатысты түсінік берген еді. 
Еске салсақ, 2022 жылы Қазақстанда қос азаматтықтың 841 дерегі тіркелген еді.