Өскемен қаласының әкімшілік құқық бұзушылықтар жөніндегі мамандандырылған ауданаралық соты қоғамдық орынды ластау ісі бойынша шешім шығарды, деп хабарлайды Buqara.kz сайтының тілшісі.

Анықталғандай, 3 қыркүйекте қала тұрғыны Есенберлин даңғылында темекі тұқылын жерге тастаған. Оның бұл әрекеті бейнебақылау камерасына түсіп қалған.

- Әкімшілік кодекстің тиісті бабы бойынша жаза істің мән-жайына байланысты айыппұл немесе қоғамдық жұмыстарға тартуды қамтиды. Жаза ретінде қоғамдық жұмысқа тарту туралы шешім шығарылды, - делінген ресми ақпаратта. 

Нәтижесінде шаһар тұрғыны 40 сағаттық қоғамдық жұмысқа міндеттелді.

Үкім әлі заңды күшіне енген жоқ.