«ҚазАвтоЖол» өңірдегі республикалық автожол желісінің қысқы маусымға дайын екендігін мәлім етті, деп хабарлайды Buqara.kz сайтының тілшісі.

Аймақта республикалық маңызы бар тасжолдарды қысқы маусымда күтіп-ұстауды қамтамасыз ету үшін 103 қар тазалайтын техника дайындалды. Сондай-ақ 1470 тонна көмір, 9100 текше метр мұздан тазартатын материал, 1904 тонна тұз, 6 тонна химиялық реагент бар. Қосымша 1100 қардан қорғаушы дайындалып, 80 уақытша жол белгісі орнатылды.

Қыста үздіксіз жұмыс істеу үшін бес қазандық, үш жылу пункті, 13 өндіріс орны дайындалды. 

Ауа райының қолайсыздығы туындағанда ықтимал төтенше жағдайларға жедел ден қою арқылы күшейтілген жұмыс режимін енгізу жоспарлануда. Жергілікті билік пен төтенше жағдайлар қызметтері де тығыз жұмыс істейді.