Ресми ақпаратқа сүйенсек, бүгін сағат 15:00-де облыс орталығындағы жаңа «Maxi Mall» сауда-ойын-сауық орталығының ашылу рәсімі өтеді, деп хабарлайды Buqara.kz сайтының тілшісі.

Салтанатты жиынға облыс әкімі Нұрымбет Сақтағанов қатысады. 

Естеріңізге сала кетейік, жаңа сауда-ойын-сауық кешені Сәтбаев даңғылында орналасқан. Ауданы 140 мың шаршы метрді құрайды.

Көпфункционалды орталық өңірдегі ең ірі кешендердің біріне айналмақ. Ол күніне 25 мыңға жуық келушіні қабылдайды деп күтілуде.