1 қазаннан бастап “Таза Өскемен” қызметкерлері тәулік бойы жұмыс істейтін болады, деп хабарлайды Buqara.kz сайтының тілшісі.

Коммуналдық қызметкерлер қыс басталмас бұрын күшейтілген жұмыс кестесіне көшеді. Бұл қар жауған кезде көшелерді жылдам тазалауға мүмкіндік береді.

- Біз тек техниканы ғана емес, персоналды да дайындап қойдық. Жұмысшыларға кез келген жағдайда, тіпті жаңбырда да жұмыс істеуге мүмкіндік беретін киімдер берілді, - деді компания директоры Марат Жаркеткенев. 

Қазір компания қызметкерлері жолдар мен тротуарлардағы жапырақтарды тазалауда.