Бүгін өңір басшысы Нұрымбет Сақтағанов пен ҚР Ауыл шаруашылығы министрі Айдарбек Сапаров «Эмиль» компаниясына барды, деп хабарлайды Buqara.kz сайтының тілшісі.

Олар 1993 жылдан бері жұмыс істеп келе жатқан кәсіпорынның өнімдерімен, өндіріс барысымен танысып, ғимарат ішін аралап көрді.

Айта кетейік, «Эмиль» – өңір бойынша сүт өнімдерін шығаратын жетекші кәсіпорындардың бірі. Оның табиғи, экологиялық таза өнімдері бүгінде елдің түкпір-түкпіріне жеткізіліп, тұтынушылардың жоғары бағасына ие болған.