11 қазан сағат 08:00-15:00 арылығында Жібек жолы, 44 мекенжайында орналасқан «Алтай» көтерме-бөлшек сауда орталығының аумағында кезекті ауылшаруашылығы жәрмеңкесі ұйымдастырылады, деп хабарлайды Buqara.kz сайтының тілшісі.

Облыс орталығының тұрғындары мен қонақтарына риддерлік фермерлер мен кәсіпкерлердің жаңа, табиғи және экологиялық таза өнімдері ұсынылады. 

Барлық тауар өндірушілерден тікелей, қолжетімді бағамен сатылады.

Жәрмеңкеге 100 келіге жуық шұжық және ірімшік өнімі, 5 тонна картоп, 6 тонна сиыр, 6 тонна жылқы, 4 тоннна қой еті әкелінеді. Бұдан бөлек, құс еті де сатылады.