Патрульдік полиция қызметкерлері жолаушылар тасымалы саласындағы заңсыз кәсіпкерлікті анықтап, жолын кесуде, деп хабарлайды Buqara.kz сайтының тілшісі.

ШҚО Полиция департаменті Патрульдік полиция батальонының мәліметінше, лицензиясыз және жеке кәсіпкер ретінде тіркеусіз жолаушыларды тасымалдау - заңсыз кәсіпкерлік қызмет.

Мұндай тасымалдау азаматтар үшін қауіпті. Өйткені көлік жүргізушілері міндетті медициналық тексеруден өтпей, сақтандырусыз жұмыс істейді. Бұдан бөлек, ескі көліктерді техникалық тексерусіз тізгіндейді.