Бұған дейін сәбилер негізінен туа біткен ақаулар салдарынан көз жұмса, бүгінде өлім-жітімнің көбеюіне жүктіліктің 22-аптасында, босану кезінде және нәресте өмірінің алғашқы апталарында туындайтын асқынулар себеп болып отыр,  деп хабарлайды Buqara.kz сайтының тілшісі.

ШҚО Денсаулық сақтау басқармасының мәліметінше, 8 айда нәресте өлімінің 35 жағдайы, 2024 жылы 29 жағдайы тіркелді. Есепті кезеңде облыста 5 088 сәби дүниеге келген, бұл өткен жылмен салыстырғанда 578-ге (5 666) аз.
Нәресте өлімінің негізгі себептері: перинаталдық кезеңдегі асқынулар — 44%, туа біткен ақаулар — 19%, тыныс алу аурулары — 12,5%.
Бұдан бөлек, өңірде жаңа туған нәрестелер арасындағы (туғаннан бастап 28 күнге дейінгі кезең) неонаталдық өлімнің 17 фактісі тіркелген. Бес жасқа дейінгі 9 бала қайтыс болды (2024 жылы — 10 жағдай).
Айта кету керек, соңғы екі жыл ішінде аймақта ана өлімі тіркелмеген.