Аудандағы аумақтық сайлау комиссиясы мәліметінше, 2 қарашада Глубокое кенті мен Секисовка ауылдық округі әкімін сайлау өтеді, деп хабарлайды Buqara.kz сайтының тілшісі.

12 қазандағы жағдай бойынша Глубокое кентінің әкімі лауазымына үш үміткер тіркелді.
Олар: «Қазақтелеком» АҚ бас маманы Жанна Абдукәрімова, қазіргі кент әкімі Руслан Асанов және аудандық ішкі саясат бөлімінің басшысы Данияр Мұсанов.
Ал Секисовка ауылдық округі бойынша Абай атындағы Мәдениет үйінің меңгерушісі Елена Власкина, «Кәсіби әскерилендірілген авариялық-құтқару қызметі» РМК облыстық филиалы қызметкері Артем Крушинский және аудандық экономика және бюджеттік жоспарлау бөлімі бюджеттік жоспарлау секторының меңгерушісі Татьяна Сарычева сайлауға түсіп жатыр.