Семейде қаланың тарихында алғаш рет әкімнің тікелей сайлауы өтті. Оның қорытындысы бойынша Әділет Қожанбаев Семей қаласының әкімі болып сайланды, деп хабарлайды Buqara.kz сайтының тілшісі KAZINFORM сайтына сілтеме жасап.

Аумақтық сайлау комиссиясының деректері бойынша, Әділет Қожанбаев 77,1% дауыс жинап, өз қарсыластарынан сенімді түрде озып шықты.

– Сайлау барлық белгіленген рәсімді сақтай отырып, ашық және тыныш жағдайда өтті. Сайлаушылардың белсенділігі жоғары болды, бұл азаматтардың тікелей сайлау жүйесіне деген сенімін көрсетеді, – деді Семей қалалық аумақтық сайлау комиссиясында.

Қалған үміткерлердің ішінде Қаныш Төлеуов 10,8%, Айболат Бекжасаров 8,4% дауыс жинады. Тағы 3,7% сайлаушы «бәріне қарсы» деген таңдауды белгілеген.

Әділет Қожанбаев 1980 жылы 1 қаңтарда дүниеге келген. Туған жері: Семей облысы, Көкпекті ауданы, Биғаш ауылы.

Білімі:

2005 жылы — Алматы қаласы, «Тұран» университеті, мамандық «Бухгалтерлік есеп және аудит»

2012 жылы — Алматы қаласы, Тұран университеті, мамандық «Құқықтану»

2021 жыл — «Ресей Федерациясы Президентінің жанындағы Ресей халық шаруашылығы және мемлекеттік басқару академиясы» жоғары білім беретін федералдық мемлекеттік бюджеттік білім беру мекемесі, мамандық «Евроменеджмент-басшылар үшін іскерлік әкімшілендіру шебері».

Еңбек жолы:

01.08.2000 — 16.04.2001 Кредиттік жұмысшы, «Крамдсбанк» АҚ Семей филиалы, Семей қаласы

10.08.2001 — 29.01.2002 БЭК-офис маманы, ААҚ «БТА Ипотека», Алматы қаласы

29.01.2002 — 06.02.2004 Бөлім басшысы, «БТА Ипотека» ААҚ-ның кепілді процессингілеу және мониторингілеу бөлімі, Алматы қаласы

06.02.2004 — 05.01.2005 Басқарма бастығы, «БТА Ипотека» ААҚ-ның кредиттерді сүйемелдеу және мониторингілеу басқармасы, Алматы қаласы

05.01.2005 — 02.03.2009 Басқарма бастығы, «БТА Ипотека» ААҚ-ның кредиттік басқармасы, Алматы қаласы 02.03.2009 — 04.01.2012 басқарма бастығы, «БТА Ипотека» ААҚ-ның кредиттен кейінгі қызмет көрсету басқармасы, Алматы қаласы

04.01.2012 — 21.02.2013 Атқарушы директор, «БТА Ипотека» АҚ, Алматы қаласы

25.02.2013 — 06.03.2013 Басқарма төрағасының кеңесшісі, «Темірбанк» АҚ, Алматы қаласы

06.03.2013 — 06.01.2014 Филиал директоры, «Темірбанк» АҚ-ның Семей қаласындағы филиалы, Семей қаласы 18.02.2014 — 18.02.2016 операциялық департаменттің директоры, «Қазақстанның тұрғын үй құрылыс жинақ банкі» АҚ, Алматы қаласы

18.02.2016 — 13.02.2017 Басқарма төрағасының орынбасары, «Қазақстанның тұрғын үй құрылыс жинақ банкі» АҚ, Алматы қаласы

13.02.2017 — 09.06.2021 Басқарма төрағасының орынбасары, «Қазақстанның тұрғын үй құрылыс жинақ банкі» АҚ, Алматы қаласы

10.06.2021 — 29.04.2022 Бас директор, «Қазақтелеком» АҚ-ның филиалының Қызмет көрсету фабрикасы, Алматы қаласы

07.07.2022 — 11.08.2022 Абай облысының қаржы басқармасы басшысының міндетін уақытша атқарушы, Семей қаласы

12.08.202 — 20.10.2022 Абай облысы қаржы басқармасының басшысының м. а., Семей қаласы

20.10.2022 — 01.08.2024 Абай облысы қаржы басқармасының басшысы, Семей қаласы

05.08.2024 — қазіргі уақытқа дейін Абай облысы Көкпекті ауданының әкімі, Көкпекті ауылы.