Қала әкімдігі мәліметінше, қазір шаһар тұрғындары мен заңды тұлғаларға 5 көмір тұйығында қатты отын сатылып жатыр, деп хабарлайды Buqara.kz сайтының тілшісі.

Оның негізгілері - «Сейком» ЖШС мен «Топливная компания Терминал» ЖШС.
- Аталған тұйықтарда көмір тиеу кезінде кезек қалыптасқан. Бұл жағдай «Қаражыра» АҚ тарапынан вагондардың толық жеткізілмеуімен байланысты. Қала әкімдігі «Қаражыра» АҚ басшылығымен келіссөздер жүргізіп, қаладағы тұйықтарға көмір тиеген вагондардың жеткізілімін арттыру туралы келісім орнатты. Бұл мәселе қала әкімдігінің тұрақты бақылауында, - делінген ресми мәліметте.