ШҚО Футбол лигасы федерациясының ұйымдастыруымен Өскемен және облыс құрамалары арасында өткен 18-ші облыстық ашық чемпионатта тарбағатайлық спортшылар үздік өнер көрсетті, деп хабарлайды Buqara.kz сайтының тілшісі.

Жалпы додада 10 құрама өзара бақ сынасты. 

- Чемпиондық атақ үшін күрес соңғы сәтке дейін жалғасып, шешуші ойында қайсар мінез танытқан жерлестеріміз 90 минуттық тартыста 3:2 есебімен жеңіске жетіп, жанкүйерлерін зор қуанышқа бөледі, - делінген аудан әкімдігінің ақпаратында. 

Осылайша, аудан футболшылары «Үздік ойыншы», «Үздік қақпашы» және «Үздік бомбардир» номинацияларына ие болды. 

Енді ауданның командасы облыстың абсолютті чемпионы атағын алуды мақсат етіп отыр.