Облыс орталығында алдағы қысқа дайындық қызу жүріп жатыр, деп хабарлайды Buqara.kz сайтының тілшісі.

Бұған дейін қалада қар тазалайтын техника санының жеткіліксіз екені айтылған еді. Шаһар басышсы Алмат Ақышов көліктердің техникалық жағдайына тоқталды.

- Бізге техника саны, олардың жағдайы мен жүріс қашықтығы туралы толық мәлімет қажет. Қосымша құрал-жабдық сатып алу мүмкіндігін қарастыру керек, - деді ол. 

Айта кетейік, биыл қар тазалау тәсілін өзгерту жоспарлануда. Негізгі техниканың дайын болуын күтпей-ақ, жедел әрекет ету және елді мекендер мен шет аймақтардағы жолдарды тазарту үшін аумақтық басқару орталықтарына жеке техника бірліктерін бекіту ұсынылады.