Аудан әкімдігінің мәліметінше, биыл тұрғындар толықтай сапалы ауызсумен қамтамасыз етіледі, деп хабарлайды Buqara.kz сайтының тілшісі.

Қазір Березовка және Үлкен өзен ауылдарындағы жобалар аяқталуға жақын.

Бұдан бөлек, ұзындығы 10,8 шақырымды құрайтын Шемонаиха-Сугатовка тасжолы жаңартылып, бес елді мекенде 5,6 шақырым көше жөнделді.

Сондай-ақ Шемонаиха қаласында, Усть-Таловка кентінде және Ново-Ильинка ауылында жаңа ойын алаңдары орнатылды. Межовка ауылында спорттық жаттығу құралдары қойылып, Қызыл Шемонаиха, Рассыпное, Коневка және Первомайское ауылдарында көше жарықтары жаңартылды.