ШҚО Денсаулық сақтау басқармасының мәліметінше, биылғы оқу жылында мектеп оқушылары жас ерекшеліктеріне қарай медициналық тексеруден өтеді, деп хабарлайды Buqara.kz сайтының тілшісі.

Басқарманың ақпаратынша, былтыр 141 777 бала (86,3%) дәіргер тексеруінен өткен. Нәтижесінде 10 874 ауру анықталып, 1 734 бала бақылауға алынды.

Аймақтағы мектеп оқушылары арасында жиі кездесетін аурулар:

ас қорыту жүйесінің бұзылуы – 6400 жағдай;

көз аурулары – 1378 (миопия);

қан аурулары – 1236 (анемия);

эндокриндік бұзылулар – 413;

жүйке жүйесінің бұзылуы – 249;

қан айналымы жүйесінің бұзылуы – 81;

құлақ аурулары – 73.

- Балаларды профилактикалық тексеру жоспары мен қамтуы оқу жылына емес, күнтізбелік жылға сай белгіленеді. Қазір оқушылардың денсаулығын тексеру аяқталуға жақын, - деді ШҚО Денсаулық сақтау басқармасының өкілдері.