23 қазанда республикалық маңызы бар тасжолдың 10 шақырымында екі жеңіл көлік соқтығысты, деп хабарлайды Buqara.kz сайтының тілшісі

- Daewoo Nexia және Audi 80 автокөліктері соқтығысып, салдарынан Audi 80 көлігінің жүргізушісі алған жарақаттарынан сол жерде қайтыс болды. Audi 80 жолаушысы мен Daewoo Nexia жүргізушісі медициналық мекемеге жатқызылды, - делінген ШҚО Полиция департаменті баспасөз қызметінің ақпаратында. 
Аталған факті бойынша сотқа дейінгі тергеу басталды. 
ШҚО Полиция департаменті көлік жүргізушілерінен сапар басталар алдында көліктің техникалық жарамдылығына көз жеткізуді, жол және ауа райын ескеріп, жылдамдықты асырмауды, қашықты қатаң сақтауды сұрайды.