Аталған әкімшілік іс Үлкен Нарын аудандық сотында қаралды, деп хабарлайды Buqara.kz сайтының тілшісі.

Сот мәліметінше, Ю. есімді шетелдік пайдалы қазбаларды заңсыз өндіріп жатқан кезінде ұсталды.
Анықталғандай, ол бұған дейін иммиграциялық заңнаманы бұзғаны үшін жауапқа тартылған.
- Сот Ю.-ды кінәлі деп танып, оған 24 сағатқа қамауға алу және Қазақстан Республикасынан депортациялау жазасы тағайындалды. Ұқсас айыптаулар бойынша отыз бес әкімшілік құқық бұзушылық туралы іс қаралды, - делінген облыстық сот баспасөз қызметінің мәліметінде.