Қалалық білім беру бөлімінің өкілдері шаһардағы 54 білім ордасының 18-інде қашықтан оқытуды ұйымдастыру туралы бұйрық шығарылғанын мәлімдеді, деп хабарлайды Buqara.kz сайтының тілшісі.

ҚР Бас мемлекеттік санитариялық дәрігерінің 22 тамыздағы № 6-ПГСВ қаулысы негізінде ЖРВИ және тұмау өршуі кезеңінде білім беру ұйымдарында уақытша шектеу шаралары енгізіледі. Егер бір сыныпта бір инкубациялық кезеңде оқушылардың 20%-дан 30%-ға дейінгі саны ЖРВИ-мен ауырса, кабинеттік оқыту тоқтатылып, 10 күн бойы сыныпқа жаңа оқушылар қабылданбайды.
Ал 30% және одан жоғары сырқаттанушылық тіркелсе, сынып онлайн оқыту форматына уақытша ауыстырылады.