Облыстық Білім басқармасы баспасөз қызметінің ақпаратынша, маусымдық жұқпалы аурулардың көбеюіне байланысты өңірдегі 23 мектептің 169 сыныбындағы 3015 оқушы қашықтан оқыту форматына көшірілді, деп хабарлайды Buqara.kz сайтының тілшісі.

Оның 1697-сі - бастауыш сынып оқушылары. Қашықтан оқыту Өскемендегі 18, Күршім ауданындағы 3, Ұлан ауданындағы 2 мектепте ұйымдастырылды. 
- Онлайн форматқа уақытша көшу сыныптағы оқушылардың 30%-дан астамы медициналық анықтамамен дәлелденіп, сабаққа қатыспаған жағдайларда жүзеге асырылады. Білім беру толық көлемде, қашықтан оқыту талаптарына сәйкес жалғасуда, - делінген ресми мәліметте.