Бұл туралы шаһар басшысы Алмат Ақышовтың төрағалығымен өткен жиыннан соң белгілі болды, деп хабарлайды Buqara.kz сайтының тілшісі.

Кездесуге тұрғын үй үлескерлері, «Қазақ тұрғын үй компаниясы» АҚ өкілдері және тиісті қалалық қызметтер мамандары қатысты. Олар құрылыстың қазіргі жағдайын, қажетті сараптамалық бағалауларды және учаскедегі жұмысты қайта бастаудың келесі қадамдарын талқылады.
Әкімдік мәліметінше, негізгі мәселелер анықталып, техникалық шаралардың мерзімі келісілді. Сондай-ақ үлескерлер,  «Қазақ тұрғын үй компаниясы» және жауапты мекемелер арасында үнемі байланыс орнату туралы келісімге қол жеткізілді.  Процедураларды жеделдетуден және қадағалауды күшейтуден бастап, құрылысты аяқтауды өз мойнына ала алатын инвесторды тартуға дейінгі қосымша нұсқалар қарастырылды.
Айта кету керек, «Diamond» тұрғын үй кешенінің мәселесі қала әкімінің жеке бақылауына алынды.