«Тұрмыс» жедел алдын алу шарасы аясында полиция қызметкерлері үй-үйді аралап, профилактикалық әңгіме жүргізуде. Есепте тұрған отбасыларды тексеріп, тұрмыстық жанжалдар туралы хабарламаларға жедел ден қоюда, деп хабарлайды Buqara.kz сайтының тілшісі.

Рейд барысында Өскеменде 9 жасар қыздың ішімдікке әуестенген ата-анасымен бірге қолайсыз жағдайда тұрып жатқаны анықталды. 
- Бала автожуу ғимаратының екінші қабатында тіркеусіз және қарапайым өмір сүруге жағдайы жоқ бөлмеде ересектердің қарауында болған. Тәртіп сақшылары ата-ананы жауапкершілікке тартып, есепке қойды. Қыз уақытша бейімдеу орталығына жіберілді, - делінген ресми ақпаратта.