18-23 қараша аралығында облыс орталығында жол қозғалысы қауіпсіздігін арттыруға және жол-көлік оқиғаларының санын азайтуға бағытталған «Қауіпсіз жол» республикалық жедел алдын алу шарасы ұйымдастырылуда, деп хабарлайды Buqara.kz сайтының тілшісі.

Шараның басты мақсаты - апаттардың және жол ережелерін бұзудың алдын алу. Тәртіп сақшылары жүргізушілер мен жаяу жүргіншілердің жол қозғалысы ережелерін бұзуын анықтауға, жылдамдықты бақылауға, жаяу жүргіншілер жолынан өту ережелерін сақтауға және балаларды қауіпсіз тасымалдауға ерекше назар аударады.

Осы ретте қалалық полиция басқармасының өкілдері жол қозғалысына қатысушыларды ережелерді сақтауға, мұқият болуға және жауапкершілік танытуға шақырады.