Медициналық мекеменің инсульт, нейрохирургия және нефрология бөлімшелерінде  күрделі жөндеу жұмыстары аяқталды, деп хабарлайды Buqara.kz сайтының тілшісі.

ШҚО әкімінің бірінші орынбасары Жақсылық Омар бөлімшелердің науқастар үшін жайлы әрі заманауи етіп өзгергенін жеткізді. Инженерлік желілер қалпына келтірілді.

 - Дәрігерлермен, медбикелермен және басқа да қызметкерлермен тілдестім. Олар тиімді жұмыс үшін қажетті міндеттер мен қажеттіліктерді атап өтті. Қазір ескірген құрал-жабдықтарды жаңарту қажет. Биыл біз кейбір бөлімшелердегі төсек-орындарды жаңарттық, бұл жұмыс басқа қабаттарда да жалғасады, - деді ол. 

Жаңғыртудың бірінші кезеңі - негізгі бөлімшелерді күрделі жөндеу. Келесі кезең - аурухананың құрал-жабдықтарын жаңарту. Бұл жұмыстар келесі жылы басталады.