ШҚО әкімі Нұрымбет Сақтағанов қаланың жаңа аудандарындағы оқушы орындарының жетіспеушілігі мәселесін қалай шешу керектігін айтты, деп хабарлайды Buqara.kz сайтының тілшісі.

Қаланың Сол жағалауындағы көпқабатты тұрғын үйлер құрылысы жүріп жатқан жерде шамамен 1000 орын жетіспеушілігі туындады.

- Қазіргі уақытта бұл ауданда 29 көпқабатты үй салынып жатыр. Онда жаңа білім беру мекемелері қажет. Былтыр үш мектеп салынды. Енді оқушылар санының артуын ескере отырып, біз 4000 орындық тағы бес мектеп салуды жоспарлап отырмыз. Қажет болған жағдайда бұл мәселені осы ретпен шешеміз, - деді облыс әкімі.