Шығыс Қазақстан облысы туу көрсеткіші төмен аймақтар арасында екінші орында тұр, деп хабарлайды Buqara.kz сайтының тілшісі.

2025 жылғы деректерге сүйенсек, туу деңгейі ең төмен өңірлердің қатарында Солтүстік Қазақстан, Шығыс Қазақстан және Қостанай өңірлері бар. Бұл аймақтарда 1000 адамға шаққандағы туу көрсеткіші тиісінше 8,5, 9,6 және 9,5 болды.
Аталған статистика 20 қараша күні Орталық коммуникациялар қызметінде өткен брифинг барысында айтылды.
- Біз бұл мәселені жан-жақты зерттедік. Шығыс Қазақстанды дамытудың 2026–2029 жылдарға арналған стратегиясы әзірленді. Соған сәйкес, облыс халқының саны бір миллион адамға, оның ішінде облыс орталығында – 600 мың адамға жетеді деп күтіледі. Оңтүстік өңірлерден қоныс аударатын тұрғындар да бұған үлес қосады, – деді аймақ басшысы.