Өңірде боран мен қалың қар салдарынан жолда қалып қойған азаматтарды құтқару шаралары жалғасып жатыр. Ұлан ауданына қарасты Сағыр ауылынан шамамен 10 шақырым жерде көлік тізгіндеген ер адам қар құрсауында қалған, деп хабарлайды Buqara.kz сайтының тілшісі.

ШҚО Төтенше жағдайлар департаментінің мәліметінше, құтқарушылар оқиға орнына дереу аттанып, барлық жерде жүре алатын арнайы техниканы пайдаланған.
- Құтқарушылар жүргізушіге көмек көрсету үшін шықты. Қар қалың жаған учаскеге арнайы техникамен жетіп, азаматты Өскеменге эвакуациялады, — делінген ресми ақпаратта.