Өскеменде шаһарды ретке келтіру жұмыстары аяқталуға жақын, деп хабарлайды Buqara.kz сайтының тілшісі.  

Қазір «Таза Өскемен» және өзге де мердігер ұйымдар тасжолдарға іргелес тротуарлардан, жеке тұрғын үйлер орналасқан аумақтардан және мұқият тазалауды қажет ететін өзге де аймақтардан қар шығаруға кірісті.
Осы ретте коммуналдық қызмет өкілдері қала тұрғындарына төзімділік пен қолдау білдіргені үшін алғыс айтты. Көпшілік жағдайды түсініп, эмоцияға берілмей, артық шиеленіс тудырмай, керісінше қиын ауа райында үздіксіз жұмыс істеген адамдардың еңбегін қолдады.
Мұндай қолдау қаланың қалыпты тіршілігіне тез оралуға зор көмегін тигізеді.