Алдағы күндері елдің көп бөлігінде тұрақсыз ауа райы күтілуде. Шығыста қар жауып, көктайғақ болады деп болжануда, деп хабарлайды Buqara.kz сайтының тілшісі.

Синоптиктердің айтуынша, аптаның басында ауа температурасы айтарлықтай өзгермейді. 
- Күндізгі -1-3 градус аяз болады. Аптаның ортасына қарай қатты жауын-шашын күтіледі. Ал соңында ауа температурасы айтарлықтай төмендеуі мүмкін, - делінген «Қазгидромет» ақпаратында.
Ал Өскеменде күн ашық болады. 3-5 желтоқсан аралығында қар аралас жаңбыр жауады деп күтілуде. Аптаның басында сынап бағанасы күндіз -1-3 градусқа, түнде -5-9 градусқа дейін төмендейді.