Полицияға Өскеменнің 82 жастағы тұрғыны хабарласып, үй телефонына белгісіз әйел қоңырау шалғанын жеткізді, деп хабарлайды Buqara.kz сайтының тілшісі.

Өзін зейнеткердің қызы ретінде таныстырған ол жол-көлік оқиғасына ұшырағанын айтып, мәселені шешу үшін ақша қажет деп сендірген. Осылайша, алаяқ қарт адамды алдап, ақша беруге көндірді. Зейнеткер өз пәтерінде бейтаныс ер адамға қаражатты қолма-қол берген. Алаяқтар әрекетінен келтірілген шығын 1 млн теңгені құрады.
Полицейлер бейнебақылау инспекторларымен бірлесе, күдіктіні тез анықтады. Осылайша, өзге облыстан келген 22 жастағы жігіт анықталды. Аталған факті бойынша сотқа дейінгі тергеу амалдары жүргізіліп жатыр.