Бұл туралы ШҚО Денсаулық сақтау басқармасының басшысы Төлеген Жігітаев мәлімдеді, деп хабарлайды Buqara.kz сайтының тілшісі.

Белгілі болғандай, осы жылдың 10 айында өңірде 47 сәби өлімі тіркелді (2024 жылдың 10 айында – 35 жағдай). 
– Жыл басынан бері 6 296 сәби дүниеге келді. Былтырмен салыстырғанда тірі туған сәбилер саны 732-ге азайды. Өлім-жітімнің негізгі себептері: перинатальды кезеңде пайда болатын жағдайлар (51%), туа біткен даму ақаулары (17%) және тыныс алу органдарының аурулары (12,7%). Бұдан бөлек, 10 айда 25 неонатальды өлім жағдайы тіркелсе, былтыр 19 факті анықталды, – деді Төлеген Жігітаев 
Сондай-ақ биыл 9 бала өлімі тіркелді. Ал аналар арасында өлім-жітім анықталмады. Бұдан бөлек, өңірде психоактивті заттарды тұтыну салдарынан психикалық және мінез-құлық бұзылыстарының аурушаңдығы 37,8%-ға төмендеді. Аймақта АИТВ жұқтыру жағдайы 0,33-ке, B гепатитімен ауыру жағдайы 0,14-ке тең. Қатерлі ісіктердің 36,3%-ы 0–I сатысында анықталуда. Ал туберкулездің аурушаңдығы 110,1%-ға төмендеді.

Қымбат МУХАМАДИЕВА