15-31 желтоқсан аралығында облыс орталығында «Шырша» республикалық жедел алдын алу шарасы ұйымдастырылады, деп хабарлайды Buqara.kz сайтының тілшісі.

Мақсаты- жаңа жыл қарсаңында жас қылқан жапырақты ағаштарды заңсыз кесудің, сатып алудың, тасымалдаудың және сатудың алдын алу.
Шара барысында полиция қаладағы қылқан жапырақты ағаштарды заңсыз кесудің, оларды бөлшек сауда орындарында, базарларда және басқа да орындарда заңсыз сатудың алдын алуға баса назар аударып отыр.
Тәртіп сақшылары мен қоршаған ортаны қорғау органдарының мобильді тобы құрылып, тәулік бойы рейдтер жүргізуде.