Облыс орталығында ауа райының қолайсыздығынан көшеде жарақат алғандардың саны күн сайын артып келеді, деп хабарлайды Buqara.kz сайтының тілшісі.

Өткен демалыс күндері жедел жәрдем бөліміне келушілердің саны күрт артты. Дәрігерлер ересектер де, балалар да жарақат алып жатқанын жеткізді. 

- Желтоқсан айының басынан бері мыңнан астам адам медициналық көмекке жүгінді, оның 638-і көктайғақта жарақат алды. 34 бала көшеде құлап жарақаттанған, - делінген ШҚО Денсаулық сақтау басқармасы баспасөз қызметінің ақпаратында, 

Науқастарға көбіне аяқ-қолдың сынуы, буынның шығып кету және сіңірдің созылуы сынды диагноздар қойылуда.