Самар аудандық сотында облыс орталығы тұрғынына қатысты заңсыз балық аулағаны үшін қылмыстық іс қаралды, деп хабарлайды Buqara.kz сайтының тілшісі.

Анықталғандай, ер адам уылдырық шашу маусымында өздігінен жүретін көлікпен балық аулаған.
- Ер адамға екі жылдан астам уақытқа бас бостандығын шектеу жазасы тағайындалды. Тоғыз балық аулау торы жойылып, 66 келі көксерке мен «Прогресс» металл қайығы мемлекет мүлкіне тәркіленді, - делінген ресми ақпаратта.