Бұралқы иттердің мәселесі облыс орталығының тұрғындарын алаңдатып отыр, деп хабарлайды Buqara.kz сайтының тілшісі.

ШҚО Ветеринария басқармасының мәліметінше, биыл өңірде 2000-нан астам қаңғыбас ит ауланған. Өскеменде бұл мәселе ерекше өзекті. Мұнда жануарларды аулаумен екі ұйым айналысады.

- Мемлекеттік бағдарламада қаңғырған иттерге арналған панажай салу туралы ереже жоқ. Қазір Өскеменде осындай 9 жер жұмыс істейді. Оларды одан әрі дамыту және қолдау қажет, сонда қаңғыбас иттер мәселесі жойылады, - деді ШҚО Ветеринария басқармасының басшысы Рамиль Сағандыков.