Шығыс Қазақстан Қытаймен шектесіп жатқанына қарамастан, әлі күнге дейін тікелей әуе қатынасы жоқ. Алайда бұл жағдай жақын арада өзгеруі мүмкін, деп хабарлайды Buqara.kz сайтының тілшісі. 

- Өскемен-Үрімші және Өскемен-Баян-Өлгей бағыттары бойынша әуе рейстерін ашу жөнінде келіссөздер жүргізіп жатырмыз, - деді ШҚО Туризм басқармасының басшысы Ержан Сембинов.
Үрімші қаласына дейінгі қашықтық - 776 шақырым. Ұшу уақыты шамамен бір жарым сағатты құрайды. 
Қазір Қытайдың Шыңжаң-Ұйғыр автономиялық ауданының ірі орталығына тек ауысып ұшу арқылы ғана жетуге болады. Ал автокөлікпен жүру қашықтығы мың шақырымнан асады, жол жүру шамамен 14 сағатқа созылады.