8 қаңтар күні Белоусовка кентінің тұрғыны көлігімен Өскеменге азық-түлік алуға бара жатып, жол үстінде кенеттен өзін жайсыз сезіна бастаған, деп хабарлайды Buqara.kz  сайтының тілшісі.

61 жастағы жүргізуші көлігін жол жиегінде тоқтатуға мәжбүр болды. Осы сәтте ШҚО Полиция департаменті патрульдік полиция батальонының «ПА-466» экипажының қызметкерлері жағдайға назар аударды. Экипаж құрамында қызметке жаңадан кіріскен аға лейтенанттар Ақылбек Базылбеков пен Ғазиз Шаменов болған.
Полицейлер тексеру барысында ер адамда инсульттің белгілері бар екенін анықтап, оны жедел түрде медициналық мекемеге жеткізді. Ауруханада жүргізушіге қажетті жедел медициналық көмек көрсетілді.