13-15 қаңтар аралығында қалада «Борышкер» жедел алдын алу шарасы өтуде, деп хабарлайды Buqara.kz сайтының тілшісі.

Оның мақсаты - төленбеген әкімшілік айыппұлдарды өндіріп алу.

ШҚО Полиция департаментінің мәліметінше, ҚР Әкімшілік құқық бұзушылық туралы кодексінің 811-бабына сәйкес азаматтар әкімшілік хаттама берілген күннен бастап 7 күн ішінде жеделдетілген іс жүргізу арқылы айыппұлдың 50%-ын төлеуге құқылы. Егер бұл міндет 7 күннің ішінде орындалмаса, толық соманы ерікті түрде отыз күннен кешіктірмей төлеуге болады.

Егер берешек жоғарыда аталған мерзімде өтелмесе, әкімшілік айыппұл мәжбүрлеп өндіріп алу үшін мемлекеттік немесе жеке сот орындаушыларына жіберіледі.