Ұлан ауданында Төтенше жағдайлар департаментінің қызметкерлері жергілікті атқарушы органдардың мамандарымен бірлесіп, өзендер мен көлдердің мұзына көліктердің шығуына тыйым салатын белгілерді орнатуда, деп хабарлайды Buqara.kz сайтының тілшісі.

Ішкі істер министрлігінің «Су айдындарындағы қауіпсіздік ережелерін бекіту туралы» бұйрығына сәйкес мұзда көлік құралдарының қозғалысына тек арнайы жабдықталған және белгіленген өткелдерде ғана рұқсат етіледі. Басқа барлық жағдайда көлік құралдарының мұз бетіне шығуына тыйым салынады.
Аталған қауіпсіздік ережелерін бұзғандарға айыппұл салынады.