ШҚО Экология департаменті ақпаратынша, қар жамылғысынан сынамалар алынып, зерттеу жүргізілді, деп хабарлайды Buqara.kz сайтының тілшісі.

Талдаулар аккредиттелген зертханада жасалды. Нәтижесінде ластаушы заттардың шекті рұқсат етілген концентрацияларынан асу фактілері анықталған жоқ.
– Алдын ала мәліметтер бойынша, қар түсінің өзгеруі ауа массалары арқылы шаң мен құм бөлшектерінің тасымалдануымен байланысты. «Қазгидромет» РМК деректеріне сәйкес 10-11 қаңтар аралығында қалада екпіні 15–20 м/с жететін жел соғып, ауадағы қалқыма бөлшектердің қар жамылғысына шөгуіне ықпал еткен. Мұндай табиғи құбылыстар бұған дейін де, атап айтқанда, 2018 және 2021 жылдары тіркелген, – делінген департамент мәліметінде. 
Жағдай уәкілетті қызметтер бақылауында. Қоршаған ортаның жай-күйіне мониторинг жүргізу жалғасуда.
Естеріңізге сала кетейік, кеше қала тұрғындары қар түсінің сарыға өзгергенін байқаған.