Қала әкімі Алмат Ақышов ауа температурасының төмендеуіне байланысты аппараттық кеңес өткізді, деп хабарлайды Buqara.kz сайтының тілшісі.

Жиында қала өмірінің негізгі бағыттарына қатысты мәселелер қаралды.
– Қоғамдық көліктің тұрақты жұмысы, маршруттар мен қозғалыс кестесінің сақталуы, қыс мезгілінде тұрғындарға қолайлы жағдай жасау мақсатында жылы аялдамалардың жай-күйі талқыланды. Сонымен қатар жаяу жүргіншілер қауіпсіздігін арттыру, көшелерді жарықтандыру, жол белгілері мен жаяу жүргінші өткелдерінің жағдайы, қаланың санитарлық тазалығы және алдағы «Крещение» мерекесіне дайындық қаралды, – деді шаһар басшысы. 
Сондай-ақ ол жауапты бөлімдерге барлық бағыт бойынша жұмысты күшейтуді тапсырды. Берілген тапсырмалардың орындалуы тұрақты бақылауда болады.