Оқиға кеше Қазақстан көшесінде болды, деп хабарлайды Buqara.kz сайтының тілшісі. 

ШҚО Полиция департаменті баспасөз қызметінің ақпаратынша, Hyundai Elantra маркалы көлігінің жүргізушісі реттелмейтін жаяу жүргіншілер өткелінде екі адамды қағып кетті. 

- Салдарынан 44 және 18 жастағы екі адам зардап шекті. Қазір оқиғаның мән-жайы анықталуда, - делінген ШҚО Полиция департаменті баспасөз қызметінің ақпаратында. 

Айта кетейік, жаяу жүргіншілер өткелі Қазақстан, 118 көшесіндегі №118 үйге қарама-қарсы орналасқан. 

Балауса ОРАЗАЛЫҚЫЗЫ