Анықталғандай, облыс бойынша 15 134 науқас диспансерлік есепте тұр, деп хабарлайды Buqara.kz сайтының тілшісі.

ШҚО Көпсалалы онкология және хирургия орталығының директоры Гүлмира Сағидуллинаның айтуынша, былтыр қатерлік ісіктің 2556 жаңа жағдайы тіркелді. 
- Басты мақсат - жаман ауруды ерте кезеңде анықтау. Барлығын ерте диагностика анықтайды. 2025 жылы 140 мыңнан астам облыс тұрғыны скринингтен өтті. Бұл қатерлі ісіктің асқынған түрлерін азайтуға мүмкіндік береді, - деді Гүлмира Сағидуллина. 
Айта кетейік, бүгінде Самар және Күршім аудандарында онколог мамандар тапшы.