Көлік министрлігінің мәліметінше, жаңа нысан ашылғаннан кейін бір күн ішінде бір жарым мыңнан астам көлік жүріп өтті, деп хабарлайды Buqara.kz сайтының тілшісі. 

Қауіпсіздік мақсатында көпірде 102 камера орнатылған: оның 62-сі үстіңгі жағында, ал 40-ы көпір астындағы аумаққа қойылды. Бейнебақылау камералары нақты уақытта жұмыс істейді.
Сондай-ақ мұз қату уақытында көпір тіректерінің зақымданбауы үшін 40 мұз кескіш жұмыс істейді. Стратегиялық маңызы бар көпірдің екі жағында тәулік бойы қызмет ететін полиция бекеттері қойылған.