Бұл туралы ақпаратпен белгілі журналист Нұрсейіт Жылқышыбай өзінің әлеуметтік желідегі парақшасында бөлісті, деп хабарлайды Buqara.kz сайтының тілшісі.

Ол алдымен наурыз – жаңару мен жаңғырудың айы екенін, ұлт рухы түлейтін, бабалар аманаты еске түсетін қасиетті кезең екенін алға тартты.
– Осы айда ұлдарының есімін Кенесары деп қойған
10 балаға «Аламан» орталығы атынан 400 000 теңгеден жөргекпұл береміз деп уәде еткен едік. Азаттықтың айбыны, еркіндіктің еңсесі, қазақ рухының соңғы ханының есімі – қайсарлықтың, намыстың, елдік пен ерліктің символы екенін ұмытпайық. Бүгінгі ұрпаққа баба есімін беру жай ғана ат қою емес, – деді ол.
Журналист өзінің nurseiitzhylkyshybai парақшасында сұрақтар туындап жатса деп байланыс телефонын да көрсеткен.

Фото: e-history.kz